Op vriedaag 23.8.2019 vertrokke we met de trein naor Mestreech. Óet ervaring wiste we inmiddels dat we de euverstap naor de intercitty in Roermond zoele misse. Neet getreurd der ging auk unne stoptrein naor Mestreech. In Mestreech pakde we de bus richting Aken. Beej de Brouwerie in Gulpen stapde we óet en kóste we ós kóffers naor Herberg de Zwarte Ruiter bringe.
Dae middaag zien we ut dörp Gulpen gaon verkenne. Ut diner waas un frietje op de hand. Veur ut hotel kreege we un prima plaetske en kóste we blieve zitte tot de verwermingslampe op ut terras óet ginge.
Op zaoterdaag hebbe in euverleg met de bazin van ut hotel un wandelig gemak naor ut Kloester van de Redemptoristen in Wittem. Jaomer genog kóste we neet in de bibliotheek. Dan kóste we wal wat langer blieve zitte beej de buuren in de herberg In de roden Leeuw.
Dan waer op stap truuk naor Gulpen. Det hebbe we geweite. Iers kwaame we onderwaeg nog unne stoet taege met unne lang kerstbaum. Det was um de goden te danken veur ut gooie waer op ut land. Dan meuste we euver de Gulpenerberg laupe. Huub en Cees met kilomaeters in de bein waare zoeë baove. De res kwaam un kwartaer en andere un half oor laater.
Beej ut zeuke van de truukwaeg naor ónder ging der wat fout. Links aaf ging door un koeiewei met flaaters. Onderaan de wei looge tuinen van nieje woeningen. En gen hekske naor de waeg 10 maeter vaerder. De kós zeen dat der inkele beej de scouting waare gewaes. Ze klomme euver de prikkeldraod en roesde de steile helling aaf naor un paedje. Cees bleef nog effe in de pindraod hange.
Ton waas de verstendigste. De waas baove blieve staon. Hae ging met Frans rechts aaf en door leep un normaal paedje naor onder. Truuk beej ut hotel hebbe we oorelang sterke verhaole ligge vertelle euver die tocht. Umdat we nog neet genóg gelaupe hadde makde we auk nog un monumentenwandeling door ut dörp. De drökker haet zeker un foutje gemak op de plattegrond. We hebbe op ein plek wal un oor ligge zeuke naor de vaerdere route.
Sáoves hebbe we det woort aafgerond met un diner a la carte en hebbe we zelf de verwermingslampe op ut terras óetgemak.
Op zondaag zien we iers nog met de bus naor ut Oorlogskerkhoof van de Amerikanen gegaon in Margraten. Van die honderden graafsteinen woors ze toch wal effe stil. Dan bracht de bus en trein ós waer veilig truuk naor Venlo. Der was onderwaef telkes wat vertraging umdat die met de zwart geld euveral cash woele aafraekenen. Door is ut openbaar vervoer neet mier op beraekend.