Op vriedaag 11 augustus 2017 vertrokke we met de trein naor Sittard. Det ging allemaol veurspoedig umdat idderein de passende treinkaertjes beej zich had. In Sittard leepe we door un lange en tot ós verbazing laege winkelstraot naor ut Hotel "Cafe de Limbourg" op de mert. De koffers woorte in de kamer naer gezatte en we kóste direc bóete op ut terras van ut hotel gaon zitte. Det bleek achteraaf ein de van de baetere plaatste te zien. Joep en Frans E kreege un geweldige kamer op de zölder met óetzich op de mert. Beej de brandinspectie stelde ze vast dat der genne vluchtwaeg waas dan met unne holtere trap naor onder, ut veur taegemoet, te gaon. Op eur verzeuk kreege ze un andere andere kamer met óetzich op un klein binneplaetske. De brandledder van de hotelkamers baove eur kwaamke heej op óet. Die minse meuste dan op de vlucht beej eur op de raam kloppe um vaerder te kinnen !!!. Toen leepe we door naor "Cefee de Cup". Leek un bietje op de Gaaspièp. Maar door meuste we al weg umdat der unne babyshower waas. Ze weite noow wal um ós boete de deur te halde.Toen meus der gegaete waere. Ut ierste diner waas un frietje, jaowal beej unne Chinees beej de Mert. Umdat we te luij waere um wied te laupe ginge we auk in ut kefee daornaeve "Cafe Dwaas" naor binne. Un paar daames van utzelfde geslacht bedeende ós dae aovend. En die kóste wal tot twieë telle. Det waas wal nuuëdig umdat Huub steeds de verkierde bestellinge deej. Ozze Ton krieg net veur de aafscheid van zien werk in 2018 steeds mier praatjes. Hae daagde zelfs Frans P óet um te darte. Det hebbe die gedaon. Ut waas wat rommelig umdat det apparaat neet alle punte telde. Heb auk gén idee wae der gewonne haet. Daornao zien ze nog effe beej "Café ut Sterfhoes"gewaes.
Op de zaoterdaag beej ut ontbijt vertelde Nol dat hae dae nacht gén aug dicht had gedaon. Op de mert waas geluud gewaes tot 4.00 oor en s'morges vruuëg kwaam de gemeinte alwaer poetse en rolde de containers. Vandaag stond de culturele rondwandeling op ut programma. We hebbe vastgesteld dat Sittard un vraemde stad is. Van de eine kant is ut óetgestorve. De straote zien laeg. En vuuël huus met moeije gevels zien slecht onderhalde. En aan de andere kant is Sittard riek aan monumenten. De stadswal löp nog veur 3/4 um de stad. Ut stik der van de kloeësters. Die zien ze aan ut verbouwe tot hotel en appartementen. De beejhuurende tuinen van de kloeësters zien te bezichtingen als stadstuinen. Echt un plaetje. Toen Cees eindelik óetverteld waas ginge we waer aan de mert wat zitte drinke. Toen we door woele gaon aete ging de deur um 18.00 oor op slot. Neet te geluive. Dan woort ut zeuke naor wat anders en det woort "Cafée Bloem "auk op de mert. Door hebbe we erg lekker gegaete. En we kreeg te huuëre dat VVV de ierste wedstrijd gad gewonne. Dan ding de wandeling veur ut aovend vertier in dezelfde volgorde waer naor cafe Dwaas en Cafe 't Sterhoes. In ut sterfhoes woort op verzeuk nog Venlose vastelaoves muziek gedreiëd. De naam is wat liguber en schient aafkómstig te zien van de klokkeluujers die nao vermeujend werk hae un glaas baer kwaame drinke.
Op de zondaag hebbe we nao ut ontbijt nog un wandeling gemak door Sittard en speciaal gelet op ut buxus motje wat un ravage aanricht in de plantjes in de tuin. Jan haet de ganse tuin motte ruume. We dronke wat glaeske baer op ut terras van ut Hotel. En dan ging ut waer met de trein truuk naor Venlo.