Hoe zien de Wannevleegers ontstaon
De naam Wannevleeger kwaam waarschienlik van de grap dat der óeit in 1651 unne vreemdeling in Venlo waas dae bewaerde dat hae taege betaling, met twieë wanne de Maas kós euvervleege. Natuurlijk kós hae de rivier neet euvervlaege, maar ontsnapte wal met ut geld. Door deze oplichting kreege de Venlonaere de spotnaam Wannevleegers tóebedeild.
Un Wan is un platte mand um koren nao ut dorsen te wannen: ut koren wuurd met de mand in de wind umhoeëg geworpen waorbeej ut lichtere kaf wuurd weggeblaoze.
"De Wannevleegers" is unne naam wao un groeëte historie achter schuúl geit. Ut Is ziér waarschienlik de iërste vastelaovesvereiniging van de stad Venlo. Al in 1754 zien d'r namelik vermeldinge van de Venlose "Academiae des Wannes". Zekerheid euver de ontstaondatum is der neet. Maar zeker is wal dat die op 23 februari 1784 al bestónd. Op dae datum meld nl. unne Duitse krant dat un afvaardiging van de Venlose "Wannevleegers" beej ut 100-jarig bestaon van de Narrenacademie in Dülken, op ± 20 km van Venlo in Duitsland, als gast aanwezig waas. De vereiniging organiseerde in idder geval al optochte in de jaore viertig van de negentiende ieuw. Deze woorte naeve die van de Jocus gehalde. In 1842 krieg Jocus unne breef van Vors Wannerius XI mit ut verzeuk um same te werke. Jocus is de vereiniging veur de riéke stand en de Wannevleegers is veur ‘t gewoeëne volk. Vaerder is nog bekind det beide vereiniginge in ut jaor 1887 unne optoch hebbe gepland in Venlo. Mier duudelikheid is der euver de opheffing, die mót rond 1888 hebben plaatsgevonde.
Op de webpagina van de Jocus steit dat op maondaag 25 februari 1843 d'n optoch van de Wannevleegers door de stad trok. Op dinsdaag 26 februari trok d'n optoch van de Jocus. 
"De Wannevleegers" als vrindeclub is in 1961 opgerich in keffe "Stakenborg" de Staak aan de Kaldenkerkerwaeg in Venlo. De naam woord bedach door Willem Stakenborg de vader van Jeu de Staak. De ierste activiteit waas voetballe.Dit deeje weej tot 1971.
Jo van Hoorn, Hay Huibers, Pierre Geurts, Don Pady, Wiel Stakenborg, Cees Rinket, Gerard Joosten, Hans Meijer, Piet van Boekhold, Hay Beurskens, John Meussen en Gerard Stroeken.
Daornao ginge we vaerder als vrindeclub. Net zoëas de man -dae de minse veur de gek heeld met det vleege euver de Maas- zit der auk vuuël ondeug onder de leeje. De humor zit in de meijste aktiviteite. Maondeliks hebbe we un vergadering met un echte agenda. De agendapunte zien groeëtendeils verzónne en zörge veur vuuël gestraevel. Un belangriek onderwerp van dees vergaderingen is natuurlik den optoch. Ut is neet niks um mier dan 44 jaor iets te bedinke veur den optoch det, volgens good Wannevleegers gebroeëk, niks met ut motto van de Jocus haet te maake. We staon er um bekind meijstal veur un verrassing te zörge. In 1972 kreege we de ierste pries (unne staaf). Daornao kwaame der nog mier prieze. In ut euverzicht kind ge zeen wat weej de letste jaore in den optoch hebbe gedaon.
In Venlo zien "de Wannevleegers" naeve eur presentatie in de optoch bekind met eur buhne-act "De Boekmenkes". Met deze act hebbe we vanaaf 1974 jaorenlang opgetraoje. En of det nog neet genog waas hebbe weej in 1975 de Hofbal en in 1989 de Boerenbroelof georganiseerd.
En dan hebbe weej auk nog culturele actviteite. De jaorlikse fietstoch haet un mótto en is meijstal verkleid. Beej ózze presentatie beej ut vereinigingsscheete van ut Ackermansgilde is de groep verkleid als schutterie met unne keuning en keuningin. Op de jaorlikse toepaovend is ut de kunst um veur ein paar euro te zörge dat der groeëte en verrassende prieze op de taofel kómme te ligge. Ut jaorlikse reisje naor binnen- en bóeteland is veurnamelik cultureel en um met de bewoeëners van det land of die streek te praote euver ut laeve.
En neet te vergaete wuurt der in de jaorvergadering "de Wannevleeger van ut jaor" gekaoze. Det is dan un lid met bizondere verdeenste of gewoeën eine zonder verdeenste.
